Skënderbeu bëri një sezon të mirë në Superiore, teksa pas 36-javësh në Superiore u rendit në vendin e 4-të në klasifkim, ndërsa nga finalet e “Final – Four” doli i 3-ti. Korçarët tashmë po mentojnë për përforcimin e skuadrës për sezonin e ardhshëm dhe për këtë ka nisur puna.
Në radarin e drejtuesve kanë përfunduar dy ish-të të tyre. Bëhet me dije se Bruno Dita dhe Nazmi Gripshi janë të “piketuarit” e tyre për t’i rikthyer në Korçë.
Dita në fund të qershorit del lojtar i lirë, pasi i përfundon kontrata me Shkëndijën e Tetovës. 31-vjeçari përflitet shumë për një rikthim në Superiore, pasi interes për të ka edhe Dinamo. Gjithsesi në Korçë e duan një rikthim të tij, pasi shihet si i duhuri për skemat e Ivan Gvozdenovic.
Ndërkohë për Gripshin situata është pak më ndryshe. Sulmuesi ka kontratë me ballkanin deri në qershor të vitit të ardhshëm, ndërsa ëhstë një element kyç në ekipin e Ilir Dajës. Gjithsesi kjo nuk stem korçarët të tentojnë rikthimin e tij në Korçë dhe do të provojnë gjithçka për ta realizuar diçka të tillë.
Eksperienca e tyre do të ndihmonte shumë Skënderbeun në sezonin e ri të tentojë trofetë. Gjithsesi mbetet të shihet se çfarë do të ndodhë me të ardhmen e dy futbollistëve nëse do të mund t’’i shikojmë në Superiore apo jo.
Lexo gjithashtu
