Ka përfunduar faza e parë e kampionatit “Abissnet Superiore” 2024-2025. Ndeshja e fundit e javës së 9-të ishte AF Elbasani – Partizani. Në stadiumin “Elbasan Arena” ishte një ndeshje e luftuar nga të dyja ekipet, por në fund sfida u mbyll në barazim 1-1. Të kuqtë kryesojnë renditjen me 16 pikë, të vetëm.
Skënderbeu u rikthye te fitorja, pasi mundi Bylisin në transfertë me rezultatin minimal 1-0 fal golit të Rashicës që u shpall lojtari i ndeshjes, pasi realizoi një gol deçiziv për skuadrën e Gvozdenoviç. Ky takim u luajt sot para startit të superduelit në Elbasan mes dy ekipeve që gëzojnë nga 1 humbje respektive deri tani në këtë fazë të kampionatit.
Të shtunën u luajtën tre ndeshjet e tjera të javës së 9-të. Egnatia – Teuta dhe Tirana – Dinamo City u mbyllën në barazim pa gola 0-0. Pra, 2 ndeshje mbaruan pa gol në ekuilibër total, ndërsa derbi verior ishte e vetmja sfidë e ditës me gola dhe që nuk u mbyll në paqe.
Laçi u rikthye te triumfi në shtëpi. Djemtë e Francesco Moriero, trajnerit italian që debutoi në elitën shqiptare, fituan ndaj Vllaznisë 3-1. Vendasit e Laçit përmbysën rezultatin dhe vetëm sa kontrolluan takimin më pas.
Lexo gjithashtu
