Më datën 25 prill është planifikuar të mbahet derbi i kryeqytetit mes Tiranës dhe Partizanit në stadiumin “Air Albania”, e vlefshme për javën e 33-të të Superiores.
Në prag të këtij ballafaqimi, “Demat e Kuq” kanë postuar në rrjetet sociale banerin e ndeshjes, me protagonist mesfushorin ofensiv fierak Valentino Murataj.
Lojtari 29-vjeçar, përveç profilit si “ndërtues”, është “goditës” shumë i mirë në portën mike. Prej marrjes së “timonit” te Partizani nga trajneri Oltijon Kërnaja, të kuqtë kanë dalë fitues në dy derbit e zhvilluar, madje me bilanc mbreslënës, 4 gola të shënuar dhe 0 të pësuar.
Fakti që “Demat e Kuq” kanë 5 sfida radhazi që nuk fitojnë në Superiore, rrit “urinë” për t’u rikthyer te triumfi dhe 3 pikët, aq më tepër kur konkurrenca me Dinamon për “biletën” e fundit në Final Four është “ndezur”.
View this post on Instagram
Lexo gjithashtu
