Te Partizani ka largime të rëndësishme në merkaton e janarit. Tedi Cara, Arinaldo Rrapaj dhe Andi Hadroj do të largohen nga të kuqtë, taksa mungon vetëm zyrtarizimi i tyre në Ukrainë.
Kryeqytetasit nga shitja e 3 futbollistëve kanë përfituar afërsisht 1 milionë euro, një shumë e konsiderueshme për të kuqtë që tashmë mendojnë për zëvendësuesit e tyre. Drejtuesit nuk kanë kohë për të humbur dhe kanë pikasur të “preferuarit” e tyre.
Kështu Ismaila Sodiq dhe Dmitriy Podstrelov kanë përfunduar në zyrën e të kuqve. I pari luan si mbrojtës i majtë dhe shihet me mjaft perspektivë. 21-vjeçari do të firmosë një kontratë afatgjatë me Partizanin dhe këto të fundit për shërbimet e tij kanë paguar te Remo Stars FC plot 50 mijë euro.
Ndërkohë Podstrelov luan si sulmues i djathtë dhe në ditët në vazhdim pritet t’iu bashkohet kryeqytetasve. Në Tiranë do të mbërrijë si lojtar i lirë, pasi 26-vjeçari ka mbyllur aventurën e tij me Dinamo Minsk.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
