Nesër do të startojë java e 34-t e Kategorisë Superiore, ditën e shtunë ku do të zhvillohen të gjitha ndeshjet. Të pesta përballjet e kësaj jave zhvillohen nesër paralelisht në orën 15:30.
Elbasani pret në shtëpi Bylisin ku do të luajë gjithçka për një fitore për të siguruar një vend në “Final 4”. Nga ana tjetër, ekipi mallakastriot nuk ka ndërmend të bëjë hapa fals pasi rrezikon mbijetesën në Superiore.
Në “Arenën e Demave”, Partizani do të sfidojë Egnatian e vendit të parë që ka siguruar gjithçka për tek katërshja më e mirë. Nga ana tjetër, “demat e kuq” kërkojnë me patjetër tre pikët pasi Elbasani i kërcënon ndjeshëm.
Skënderbeu do të presë në Korçë Tiranën nesër, në një sfidë direkte për mbijetesën në Superiore. Gjithashtu dhe Teuta-Laçi është sfida që vlen për të qëndruar në elitën e futbollit shqiptar. Ndërsa ndeshja tjetër është Vllaznia-Dinamo, këta të fundit kanë siguruar pjesëmarrjen në “Final 4”.
Lexo gjithashtu
