Erzeni do të presë Tiranën në Elbasan Arena, sot në orën 15:00 për të zhvilluar ndeshjen e javës së 32-të të Superiores. Shijakasit janë të dënuar të fitojnë, ndryshe mbijetesa do të bëhej e pamundur.
Aktualisht janë 6 pikë pas Teutës së zonës Play-Out dhe 7 nga Laçi teksa kanë mbetur edhe 4 ndeshje për t’u luajtur pas kësaj jave. Në letër duket shumë e vështirë, por në Shijak synojnë të bëjnë të detyrën e tyre duke mposhtur kundërshtarët e për të shpresuar më pas në ndalesën e Teutës.
Skuadra ka mbyllur përgatitjet nën urdhërat e trajnerit Deliallisi i cili nuk ka dyshime për formacionin anti-Tirana. Deliallisi nuk ndryshon me zgjedhjet e tij duke i besuar të njëjtëve që kanë luajtur ndeshjet e fundit.
Formacioni i mundshëm:
Erzeni (4-2-3-1) – Hasanbelli; Maliqi, Sadiki, Atanda, Peposhi; Mëllugja, Migone; Zeka, Kahrimanovic, Mihana; Blazevic.
Trajner: Alfred Deliallisi
Lexo gjithashtu
