Tirana luajti dje kundër Partizanit, ndeshje që përfundoi me rezultatin e bardhë 0-0. Megjithatë polemikat e prodhuara pas sfidës vijojnë edhe ditën e sotme, teksa tifozët, por edhe presidenti Refik Halili kishte dyshime për mënyrën se si ishte anuluar goli i Tiranës i cilësuar si offside.
Krosimi i ardhur nga e djathta nga Aldi Gjumsi bëri që Sembene të çonte golin në rrjetë në favor të Tiranës. Pikërisht në këtë moment ndërhyri VAR-i duke kthyer gjithçka pas. Goli u anulua për pozicion jashtë loje. Jarmouni u vlerësua nga teknologjia pak më i avancuar dhe pikërisht për këtë, festa u shua shpejt.
Pamjet e momentit offside janë përhapur me shpejtësi, ku shihet vija e hequr pranë zonës së 16-metërve. Të shumtë janë ata që kanë deklaruar se është e shtrembër dhe ky debat I madh është bërë edhe në Itali para 9 vitesh.
Në studio tregonin dhe ilustronin vijën e offside për gjatë gjithë fushës. Në cepin më të afërt të pamjes ajo duket më e gjerë, ndërsa në fund shihet duke e mbyllur. Kjo konsiderohet si perspektiva në gjeometri dhe sipas shpjegimit të italianëve, vija vetëm në këtë mënyrë është e saktë. Vija e prespektivës është linja që tregon se si objektet e ndryshme dhe dimensionet e tyre shfaqen në raport me një pikë të caktuar shikimi. Ajo krijon efektin e thellësisë dhe hapësirës në një vizatim të sheshtë, duke bërë që objektet të duken më të vogla sa më larg që ndodhen nga shikuesi dhe më të mëdha afër tij.
Lexo gjithashtu
