Pas shtyrjes me disa minuta të takimit të kupës mes Besës dhe Tiranës, si dhe pezullimit të ndeshjes Tomori-Bylis për shkak të braktisjes nga policia, një problem i ngashëm shfaqet në horizont.
Kështu ndeshja e së hënës mes Kamzës dhe Skënderbeut rrezikon të ketë të njëjtin problem. Kjo pasi në kontaktin që ka patur klubi i Kamzës me policinë, për mbarvajtjen e ndeshjes, ''paqeruajtësit'' kanë refuzuar pjesmarrjen në stadium, duke shtangur kamzalinjtë.
Komisarjati i policisë së Kamzës ka refuzuar garantimin e sigurisë për këtë ndeshje, duke e bërë të pamundur zhvillimin e saj, pasi prania e policisë është e detyrueshme, bëjnë të ditur burimet pranë klubit.
Ndeshja mes Kamzës dhe Skënderbeut është parashikuar që të luhet të hënën, në orën 16:00, në stadiumin e Kamzës, por në rast të mospranimit nga policia, nuk dihet se çfarë do bëhet me fatin e ndeshjes.
Lexo gjithashtu
