Sulmuesi Agim Zeka ka hedhur sot firmën në kontratën e re me skuadrën franceze të Lilë, duke bërë kështu një hap gjigant në karrierën e tij futbollistike.
Ish-sulmuesi i Skënderbeut u shit nga klubi korçar për 300 mijë euro. Pak çaste më parë, Zeka ka postuar një video në profilin e tij në Facebook me momentet kur ka luajtur për kampionët e Superligës, ndërsa ka gjetur momentin për të bërë dhe falënderimet e rastit.
“Falënderoj nga zemra të gjithë ata që më përkrahën deri sot, menaxherin tim Shkumbin Qormemeti dhe Haris Fakiç, po ashtu falënderoj familjen time dhe mbi të gjitha Zotin”, shkruan Agim Zeka në Facebook.