Jorginho iu bashkua Arsenalit në merkaton e dimrit pas një transferimi nga rivalët e tyre Chelsea. Por aventura e tij me Topçinjtë pritet të zgjas vetëm 6 muaj. Mesfushori italian ndiqet me shumë interes nga Lazio.
Në Angli janë të gatshëm të hyjnë në bisedime për kartonin e tij nëse marrin një ofertë të arsyeshme. Sipas asaj që raporton “La Gezzetta dello Sport” Arsenali kërkon 15 milionë euro për të lënë të lirë futbollistin.
Kujtojmë që 31-vjeçari arriti të zhvillonte plot 14 ndeshje me Arsenalin në Premier League që prej transferimit të tij në janarë por afrimi i Declan Rce do të bënte që hapsirat e tij për një vend titullar në skuadër të ishin të pakëta.
Lazio shpreson se ata do të jenë në gjendje të bindin Jorginho për një ndryshim për shkak të marrëdhënies së tij me Sarri dhe ata faktin se mund t’i ofrojnë atij më shumë kohë të rregullt për të luajtur, gjë që mund të jetë çelësi për shpresat e tij për të luajtur për Italinë në Euro 2024.
