Luftëtari nuk do të marrë pjesë në Kategorinë e Parë sezonin që pritet të nisë të mërkurën që vjen. Gjirokastritët janë pa trajner, staf teknik dhe lojtarë, kjo për shkak të problemeve dhe borxheve që kanë me FIFA-n dhe lojtarë të ndryshëm. Në këto kushte, pas 90 viteve histori suksesi në futbollin shqiptar, në Gjirokastër shohin fundin.
Drejtuesit e bluzinjve po shohin mundësinë që të nisin gjithçka nga zero, duke ndërruar emrin dhe stemën e klubit. AF Luftëtari duhet ta nisë gjithçka nga zero, teksa stema dhe emri I ri nuk mund kurrsesi të fshijnë historinë e lavdishme të shumë brezave të futbollit gjirokastrit. Pritet që vetë FSHF të sqarojë pozicionin e klubit nga Gjirokastra, që lë një vend bosh në kampionatin e Kategorisë së Parë.
Loading ...
