U afrua gjatë verës së shkuar nga Prishtina në radhët e Bylisit, por që aktivizimi i tij u ndërpre në kohën më të mirë të karrierës së tij. 27-vjeçari Ahmet Haliti u penalizua nga Komisioni i Etikës së bashku me shokët e skuadrës Kushtirm Mushica, Maringlen Shoshi dhe Elton Basriu për rezultatin e ndeshjes Tërbuni - Bylis 4-2.
Por, ndëshkimi për Halitin ka qenë i vështirë. Ai ka folur për mediat kosovare, ndërsa ka treguar se nuk po e merr dot veten pas ndarjes 8 muaj me futbollin. Haliti është shprehur se në Ballsh e kanë mirëpritur dhe e kanë respektuar të gjithë, por që ai nuk mundet ende të kuptojë sesi kanë kaluar 8 muajt e dënimit dhe se tashmë është gati për sezonin e ri.
"Periudha e parë shkoi si është më së miri nga mikpritja e presidentit e deri te bashkëlojtarët. Pastaj vjen periudha më e vështirë në karrierën time. Ende nuk mund të reflektojë mirë se çka ka ndodhur", tregon Haliti, i cili tashmë ka firmosur për Ferronikelin në Kosovë, ku do të nisë të aktivizohet në Superligën e shtetit fqinj, pasi kontrata me ballshiotët i ka përfunduar.
Lexo gjithashtu
