U largua nga Luftëtari, kapiteni gjirokastrit pranë një skuadre të njohur në Superligë

Ergys Mersini u largua nga Luftëtari në këtë merkato dimri. Kapiteni i gjirokastritëve tashmë është një lojtar i lirë dhe pritet të zyrtarizohet te Flamurtari. Pas largimit të Kristi Markut, Mersini pritet të jetë zëvendësuesi i tij. Eksperienca në Superiore dhe cilësitë që ka, do të ndihmojnë skuadrën e trajnerit Mezani në objektivat që ka.

Kujtojmë që deri më tani Flamurtari ka afruar vetëm Ivan Jakovljeviç, ndërsa Mersini pritet të jetë afrimi i dytë. Tekniku i kuqezinjve është shprehur që do të ketë pak afrime në këtë merkato dimri, pasi me grupin aktual që ka në dispozicion, Mezani është i kënaqur.