Uesl Sneijder vendosi të largohej nga futbolli I luajtur. 35-vjeçar sezonin e fundit ishte pjesë e Al Gharafa dhe me mbylljen e sezonit "vari" këpucët në gozhdë. Në të kaluarën e tij ka luajtuar me skuadra si Ajax, Real Madrid, Inter, Gallatasarai e Nice dhe ka arritur të fitojë gjithçka me klube, ndërsa me Kombëtaren doli nënkampion bote.
Në një intervistë për "foxsport.nl", hollandezi ka habitur disi me deklaratën e tij duke u shprehur se nëse do ta vlerësonte futbollin në 100% do të ishte si Messi dhe Ronaldo, por për këtë gjë nuk ka pendim.
"Nëse do ta vlerësoja futbollin në 100% e saj do të kisha qenë në nivelin e Messit dhe Ronaldos. Por nuk kam pendim sepse thjesht nuk doja. Nuk është se nuk mund ta bëja, thjesht nuk e ndjeva të tillë. Preferova të kënaqesha me karrierën time për atë që ishte si në fushë, por edhe jashtë saj. Unë fitova gjithçka në nivel klubesh dhe kështu që ndjej keqardhje për këtë gjë", u shpreh ndër të tjera Sneijder.
Lexo gjithashtu
