U largua me mirëkuptim nga PARTIZANI, ÇANIN e pret e ardhmja në Itali

Edgar Çani mbylli përfundimisht dje kapitullin me Partizanin duke zgjedhur largimin me konsensus nga të kuqtë pas një sezoni me probleme dhe larg pritshmërive. 29-vjeçari nuk do të mbetet pa skuadër këtë sezon të ri. Sipas “calabriasport24” sulmuesi i Kombëtares së Shqipërisë po monitorohet nga skuadra e sapoardhur në Serinë C Vibonese. Ai pritet t’i bashkohet kalabrezëve bashkë Demiro Pozzebon dhe Alan Baclet. Italia është destinacioni i preferuar i Çanit ku ka kaluar pjesën më të madhe të karrierës.