Josko Gvardiol pritet të largohet nga Leipzig. Paraqitjet e shëklqyera në Kupën e Botës me Kroacinë kanë rënë në syrin e shumë skuadrave të njohura, që kërkojnë tashmë shërbimet e tij. Chelsea, Real Madrid, Man City, Manchester United e Bayern Munich janë top klubet evropiane që janë vënë pas kroatit, por Leipzig kërkon 120 milionë euro për shitjen e Gvardiol.
Por 20-vjeçari këtë herë është në qendër të mediave, jo për shkak të arritjes së marrëveshjes me ndonjë skuadër, por për shkak të disa pamjeve që qarkullojnë në rrjetet.
Qendërmbrojtësi është filmuar duke pirë cigare në festën e madhe të bërë nga lojtarët kroat pasi siguruan medaljen e bronztë në Katar. Megjithatë 20-vjeçari ka thënë se nuk pendohet që ka tymosur cigare pasi ishte festë pas një suksesi të madh që kishte arritur.
“Nuk kam për çfarë të pendohem. Ne fituam medaljen e brzontë. Mund të jetë joprofesionale, por në atë moment të gjithë ishim të lumtur”, deklaroi qendërmbrojtësi kroat.
Lexo gjithashtu
