Turbina është një nga skuadrat që mbijetoi në Kategorinë e Parë dhe që këtë sezon synon që të renditet mes më të mirave. Militon në grupin B të kësaj kategorie, ndërsa investimet në skuadër janë të shumta. Që nga terrenet e deri te ekipi, drejtuesit i kanë krijuar të gjitha mundësitë që sezoni i ardhshëm në Kategorinë e Parë të jetë ndryshe.
[caption id="attachment_14692" align="alignleft" width="300"]
Tapeti i stadiumit "Nexhip Trungu"[/caption]
Fushës së stadiumit "Nexhip Trungu" tashmë i është vendosur tapeti me bar natyral, ndërsa po punohet me dhomat e zhveshjes dhe tribunat. Por, përpos kësaj, janë konfirmuar disa futbollistë nga sezoni i shkuar dhe është zgjedhur trajneri i ri.
Sinan Bardhi është gati të marrë drejtimin e pankinës së skuadrës cërrikase. Sipas burimeve konfidenciale pranë kësaj skuadre, zyrtarizimi është çështje orësh. Bardhi e ka drejtuar edhe më parë këtë ekip, ku ka pasur edhe suksese. Megjithatë, mbetet përcaktimi i tij si trajneri i ri, në mënyrë që të vendosen piketat për sezonin e ardhshëm.
Lexo gjithashtu
