Atalanta do masë forcat me Sampdorian të mërkurën në orën 18.30, në sfidën që vlen për javën e dhjetë të kampionatit. Zikaltërit e drejtuar nga Gasperini do vijnë në këtë takim me 4 mungesa.
Gjimshiti, Gosens, Hateboer dhe Pessina janë të dëmtuar dhe Gasperini nuk llogarit në ta. Sa i përket gjendjes së lojtarëve të tjerë, ajo është e mirë. Atalanta renditet në vendin e pestë të kampionatit dhe deri më tani ia ka dalë të grumbullojë 15 pikë, një më pak se Roma e një vendi më lart. Synimi për këtë edicion është kualifikimi në Uefa Champions League.