Trajneri i skuadrës së Kategorisë së dytë në Kosovë, Ulpiana, Enver Duriqi ka konfirmuar zyrtarisht dorëheqjen nga drejtimi i skuadrës, ku u emëruar si trajner në tetor të vitit të shkuar.
Në një letër drejtuar klubit, Duriqi sqaron dhe arsyet e largimit, ku ndër më kryesoret cilëson mungesën e merkatos në muajin janar dhe mungesën e mbështetjes.
Letra e plotë nga Enver Duriqi:
"Letër drejtuar kryesisë së KF Ulpianës:
Të nderuar futbolldashës dhe sportistë në përgjithësi. Ndarja është gjithmonë e vështirë, por shpesh ajo troket bindshëm dhe argumentueshëm dhe nuk të lëshon.
Njoftoj opinionin se pas disa analizave intensive që kam bërë kam marrë vendim të ofrojë dorëheqjen nga posti i kryetrajnerit në KF Ulpiana. Janë disa arsye të forta për këtë vendim, por para se të hyjë në dhënien e arsyeve kryesore që çuan drejt dorëheqjes dua të falënderoj sinqerisht tifo grupin''Tigrat'' dhe drejtuesit e klubit me të cilët pata një bashkëpunim tejet korrekt dhe pa hile gjatë kohës sa ishim bashkë.
Arsyet e dorëheqjes janë:
- E kisha marrë drejtimin e skuadrës shumë i motivuar dhe me bindjen se paralelisht me krijimin e kushteve për punë do ta kthenim klubin aty ku meriton të jetë. Por, klubi qysh kur e mora drejtimin dhe aktualisht gjendet në situatë të vështirë financiare dhe nuk mund të synojë kthimin askund aktualisht.
- Problemet financiare pamundësuan po ashtu edhe përforcimet e nevojshme gjatë afatit kalimtar. Me kapacitetet aktuale gjasat për t'u ngjitur një rang më lartë janë minimale.
- Si rrjedhojë e problemeve evidente financiare edhe bojkoti i futbollistëve ishte i pranishëm, gjë që po shtonte në masë telashet rreth dhe brenda klubit.
- Gjatë karrierës time si trajner nuk kam pranuar të drejtojë asnjë skuadër pa ambicie dhe janë po ambiciet që nisin të tretën në momentin kur kemi të bëjmë me telashe të thella financiare dhe me bojkot futbollistësh.
- Dikur ishte krenari me qenë brenda klubit, e dikur ishte krenari me qenë edhe tifoz i Ulpianës. Sot, nuk ka diçka të tillë, sepse krenaria humbet për të dy shtresat kur je në situatë të tillë.
- Thënë troc, asnjëherë në asnjë periudhë, klubi nuk ka përjetuar gjendje më të rëndë (gjendje alarmante). Andaj dorëheqja ime është e imponuar pa alternativë.
Fajtor janë bashkë të gjithë brenda dhe jashtë klubit.
Me disa shokë e themeluam dhe e pagëzuam me emrin''Ulpiana'' duke i menduar rritë dhe zhvillim të hovshëm.
Jo larg e prekëm edhe Superligën, ishim krenar që të gjithë.
Por, ja që tani po përjetojme zhgenjimin më të madh. E në fund, i dëshpëruar skajshmërisht, bëj apel publik.
A ka shpirtbardhë që i del zot ketij klubi?.
Enver Duriqi - shef shtabi i deritanishëm i KF Ulpianës".
Lexo gjithashtu
