Julian Ahmataj ka folur pas humbjes 2-1 kundër Partizanit. Trajneri i Skënderbeut deklaroi për mikrofonin e Supersport:
"Nuk ke çfarë të analizosh në këtë ndeshje. Vetëm porosi kemi dhënë. S'mund të bësh asnjë lloj manovre në këtë terren. Duhet vetëm të godashës sa më shumë.
Golat? Duhet të ketë një mungesë në pozicion. Pastaj është një moment që lojtari ynë mban topin me shpinë që nuk duhet të bënte. Është më shumë problem psikologjik. Skuadra e pranon golin shumë thjeshtë. Na dha garanci në pjesën tjetër të lojës. Skuadra luajti dhe për këtë duhet të kemi shpresat. Duhet ta forcojmë skuadrën për të mos pësuar gol.
Goditje standarte? Është problem orientimi të lojtarëve të veçantë, por edhe lideri. Është një skuadër me lojtarë të rinj. Futbollistët me pak eksperiencë s'e kanë marrë dot rolin e liderit. Në të ardhmen, duhet një futbollist lider dhe besoj se do ta rregullojmë. Shpresojmë se do të kemi më shumë ekuilibër në të tilla situata", përfundoi ai.
Lexo gjithashtu
