Në premion e shpërndarë sot për pjesëmarrjen në Europian, Federata Shqiptare e Futbollit nuk ka anashkaluar edhe lojtarët të cilët ishin të pranishëm por nuk luajtën. Bëhet fjalë për Berat Gjimshitin, Herolind Shalën dhe Milot Rashicën.
Këta dy të fundit tashmë kanë tradhtuar kombëtaren kuqezi për atë të Kosovës, por drejtuesit e FSHF-së nuk janë bazuar te ky fakt, duke i shpërblyer me 8 mijë euro për kokë. Sa i përket Rashicës dhe Shalës, lojtarët në fjalë nuk besojmë se e kanë merituar një shpërblim të tillë, por ata që kanë bërë shpërndarjen, ndoshta janë nxituar, pasi kjo mund të jetë bërë para se ata të bënin zgjedhjen përfundimtare.
Të tre lojtarët e sipër përmendur u grumbulluan në përgatitoren që u zhvillua para ndeshjeve zyrtare në Francë, ndërsa nuk u përfshinë në numrin e lojtarëve që do të vendoseshin nën urdhërat e De Biazit për tre ndeshjet në grup.
