NBA ka zhviluar dy nga ndeshjet më emocionuese të saj në këtë sezon ku spektakli nuk ka munguar. Boston Celtic nuk njeh rivalë, ndërsa ka siguruar një tjetër fitore ndaj Memphis me shifeat 119-109, duke mbrojtur vendin e parë në Konferencën e Lindjes.
Një ndeshje ku kolektiviteti i Boston ishte çelësi i fitores, pasi 8 lojtarë realizuan mbi 10 pikë. Ëhite me 23 pikë e 10 asist ishte shënuesi më i mirë, duke i bërë të pavlefshme 25 pikët e Morant për miqtë.
Fitore në frymën e fundit korri skuadra e Toronto Raptors, që mposhti 119-118 Detroit, në një takim me shumë rivalitet dhe emocione, madje dramatik në fundin e tij. VanVleet me 35 pikë e Siakam me 28 pikë bënë diferencën në parket për kanadezët, ndërsa 33 pikët e Bogdanovic për Detroit mbetën për statistikë.
Sezoni i rregullt i NBA do të vijojë deri më 17 shkurt, ndërsa dy ditë më pas do të luhet finalja e All Star Game, ku yjet e Perëndimit të udhëhequr nga Lebron James do të sfidojnë ata të Lindjes me kapiten Giannis Antetokounmpo.
Lexo gjithashtu
