Jurgen Vrapi kërkon më shumë minuta. Mesfushori 22 vjeçar me tipare sulmuese ka tërhequr letrat nga klubi bardheblu, duke qenë lojtar i lirë. ABC konfirmon largimin e lojtarit pas një viti me bardheblutë. I dalë nga Akademia e Tiranës, Vrapi kaloi te Lokomotiva e Zagrebit në Kroaci, duke u rikthyer sërish në 2017 te Tirana.
Pas aventurës me bardheblutë, Vrapi provoi fanellat e Dinamos dhe Flamurtarit, për të zhvilluar sezonin që lamë pas me 25 herë kampionët e vendit. Vetëm 703 minuta të ndara në 23 ndeshje për djaloshin në sezonin e fundit, duket se kanë sjellë “divorcin”. Pas Bathës, Cale, Vangjelit dhe Torassës, duket se Vrapi është i larguari i radhës nga Tirana.
Loading ...
