Tirana ka zyrtarizuar takimin e radhës që do zhvillojë në kuadër të përgatitjeve përpara nisjes së pjesës së mbetur të kampionatit. Bardheblutë do të luajnë një miqësoren përballë Luftëtarit.
Takimi është përcaktuar të luhet ditën e shtunë në orën 14:00, në stadiumin “Selman Stermasi” , që do të jetë dhe prova e fundit përpara nisjes së kampionatit të Superligës.
Ndeshja e ditës së shtunë do të jetë një mundësi e mirë për të dyja ekipet, për të parë edhe njëherë problemet që mund të ketë dhe për t’i rregulluar ato përpara datës 28 janar, datë e cila është përcaktuar nga FSHF-ja për fillimin e pjesës së mbetur të kampionatit.
