Hulian Rubio, gati 7 vite më parë do t’i besonte një vend titullari në krahun e djathtë të mbrojtjes, një futbollisti të ri, të dalë nga akademia bardheblu dhe mjaft premtues.
Trajneri spanjoll që drejtoi Tiranën në sezonin 2011-2012 vendosi që t’i besonte pikërisht Afrim Takut, 19-vjeçarit që sot është një nga lojtarët më të rëndësishëm të 24 herë kampionëve të vendit dhe golashënues i skuadrës kryeqytetase në këtë sezon të Superligës.
Sigurisht që Tirana ka prodhuar pa fund futbollistë të talentuar nga akademia dhe i tillë së fundmi është edhe Albi Doka.
19-vjeçari sot e nisi si nga minuta e parë, derbin kundër Partizanit, ndërsa ndaj të kuqve luajti sfidën e tij të tretë në kampionat si titullar.
Mbrojtësi i djathtë i bardhebluve tregoi grintë dhe kualitet në fushën e lojës, duke mbuluar fillimisht Mazrekajn e më pas edhe Trashin.
Vetëm 19-vjeç dhe Doka është futbollisti i radhës që ka fituar ekipi kryeqytetas. Trajneri Mirel Josa, në vend të Kërçikut të dëmtuar ia besoi Dokës vendin e titullarit në krahun e djathtë të mbrojtjes, ndërsa lojtari i dalë nga akademia e Tiranës tregoi se të ardhmen e ka të sigurt.
Loading ...
