Olsi Teqja dhe Marvin Turtulli do të mungojnë për Tiranën në sfidën kundër Luftëtarit, ndeshje e vlefshme për javën e 35-të të Superligës.
Të dy qendërmbrojtësit bardheblu u ndëshkuan dje me kartonë të verdhë duke plotësuar numrin e lejuar të tyre.
Pa Gentjan Muçën të dëmtuar dhe pa Teqjen e Turtullin, tashmë Tirana ka një hendek të madh në qendër të mbrojtjes, ndërsa kundër Luftëtarit do të luajë sfidën e sezonit.
Pritet që në qendër të repartit defensiv, trajneri Josa të aktivizojë Caken dhe Deliajn, dy qendërmbrojtësit e vetëm që i kanë mbetur Tiranës për sfidën kundër Luftëtarit.
