Presidenti i Tiranës, Refik Halili, dhe trajneri i kësaj skuadre, Ilir Daja, do të dalin në një nkonferencë të përbashkët për shtyp sot, në orën 12:00, në ambientet e stadiumit “Selman Stërmasi”. Trajneri Ilir Daja është konfirmuar tashmë për qëndrimin në krye të skuadrës bardheblu dhe sot gjithçka do të bëhet zyrtare. Drejtuesi më i lartë i Tiranës dhe trajneri do të flasin për projektin që kanë për sezonin e ri dhe çështje të tjera. Daja e drejtoi Tiranën gjatë sezonit të fundit dhe me të në krye paraqitja e skuadrës ishte e mirë, pavarësisht se nuk u arrit objektivi për Europën. Bardheblutë shpresojnë të konfirmohet dënimi i Skënderbeut nga UEFA, që të luajnë në Ligën e Europës.
© 2023 News Sport - Dev by Aplikacione.com.