Tifozët e Tiranës janë solidarizuar për tërmetin që goditi ditën e djeshme vendin tonë që fatkeqësisht dëmet janë të mëdha.
Qindra të plagosur dhe deri më tani 30 të vdekur nga ky tërmet shkatërrimtar, ka mbledhur bashkë ultrasit bardheblu për t’i ardhur sadopak në ndihmë atyre që kanë mbetur në qiell të hapur.
Përmes një postimi në kanalin zyrtar, tifo-grupi “Tirona Fanatics” shkruan: “Vazhdon prej mëngjesit të sotëm sërish mbledhja e ndihmave për të prekurit e tërmetit. I bëjmë thirrje të gjithë anëtarëve dhe jo vetëm, të kontribuojnë sa kanë mundësi për të zbutur sadopak dhimbjen e familjeve të prekura. Ndërkohë disa banesa qëndrojnë gati për këdo që ka nevojë për strehim. Për Shqipnin, bashkë ja dalim”.
Loading ...
