Futbolli është në kaos për shkak të situatës së krijuar nga Coronavirusi. Asnjë kampionat nuk ka nisur nga puna, ndërsa nuk ka një datë fikse për këtë. UEFA dhe ECA janë në një mendje që fillimisht të rinisin kampionatet kombëtare dhe më pas të mendohet për kupat europiane.
Champions League dhe Europa League me gjasë do të luhen në gusht. Ende s’është konfirmuar nga institucioni i futbollit europian, por Cadena SER raporton se të gjitha takimet e mbetura do të zhvillohen brenda dy javësh. Rrjedhimisht ndeshjet e mbetura do të jenë me vetëm një sfidë, jo me vajtje ardhje sepse koha e vënë në dispozicion s’e premton një gjë të tillë.
Pra, si finalistët e Champions League, ashtu edhe ato të Europa League do të caktohen përmes ndeshjeve teke.
Poll
Lexo gjithashtu
