Për kapitenin e Teutës Tefik Osmani shkëlqimi i ekipit durrsak këtë sezon nuk mund të konsiderohet e papritur. Në një prononcim për “RTSH Sport”, 33-vjeçari deklaroi se skuadra duhet të luftojë për të garantuar objektivin primar; kualifikimin në Europa League, por ai nuk e fshehu dëshirën se titulli kampion është një synim që ekipi mund ta realizojë pasi ka në përbërje elementë që e dinë se ç’do të thotë të jesh fitues.
“Teuta, surpriza e këtij sezoni? Besoj nuk ka qenë surprizë. Ekipi që në fillim, drejtuesit e klubit e kanë pritur këtë ecuri, pasi objektivi ka qenë Europa dhe ne jemi brenda objektivit.
Vlerësimi për fazën përgatitore? Kjo fazë mund të quhet e suksesshme kur grupi nuk ka dëmtime. Grupi është i plotë . Pëderisa kontigjenti nuk ka mungesa, çdo gjë është në rregull. Këto ndeshje nuk kanë shumë rëndësi nga rezultati. Lojtarët mund të kapin formën e tyre maksimale.
Vazhdimësia në pjesën e dytë të sezonit? Ta vazhdojmë aty ku e kemi nisur, nga pjesa e dytë e fazës së parë.
Objektivi i Teutës? Klubi synon pjesëmarrjen në Europa League. Por nëse na del titulli, nuk i trembemi pasi ka shumë lojtarë që kanë fituar. Nuk duhet t’i themi jo titullit. Megjithatë, objektivi jonë janë Kupat e Europës”, u shpreh ish-lojtari i Skënderbeut.
Loading ...
