Trajneri i Vllaznisë është irrituar së fundmi me aludimet që bëhen në median e shkruar për lajmet e përhapura rreth lëvizjeve të futbollistëve. Zhurmat e merkatos ekzistojnë kudo, ndërsa trajneri shkodran ka vendosur që t'iu vihet "këmbë për këmbë" të gjithëve që nxjerrin emra rreth lojtarëve që lakohen për të qenë pjesë e shkodranëve.
[caption id="attachment_13401" align="alignleft" width="300"]
Armando Cungu nën shoqërinë e kryebashkiakes së Shkodrës Voltana Ademi[/caption]
Në një reagim për "shkodrasport.com", trajneri i Vllaznisë ka cilësuar se "Vllaznia nuk është han pa porta", ku ndër të tjera thotë: "Të them të drejtën nuk arrij t'i kuptoj disa gjëra. Ne si klub 23 herë gjatë kësaj periudhe në faqen zyrtare kemi reaguar në lidhje me shumë lajme të pavërteta që qarkullonin për merkaton e Vllaznisë. Në vend që këto gabime të korrigjoheshin, ato po shtohen dhe më duket se bëhen me qëllim nga menaxherët apo njerëzit e interesuar pranë lojtarëve të veçantë".
"Bëhet fakt i kryer ardhja e lojtarëve që ne as nuk e kemi marrë mundimin të shfaqim interes për ta. Nuk shkon kjo punë kështu. Vllaznia e kam thënë se nuk është 'han pa porta'".
"Nëse gazetarët apo njerëzit e interesuar për merkaton tonë, duan të marrin informacion, telefoni im apo dhe i drejtuesve të tjerë të klubit është i hapur 24 orë non stop dhe nuk është e nevojshme të shkruhen çdo ditë budallallëqe. Më çudit fakti se pse vetëm me Vllazninë veprojnë në këtë mënyrë, prandaj ju bëj edhe njëherë thirrje të jenë më korrekt në ato çfarë shkruajnë apo thonë".
Lexo gjithashtu
