Mbrëmja e sotme ka qenë një mbrëmje surprizash, kjo për shkak se askush nuk priste që trajneri Bledar Devolli të largohej nga drejtimi i skuadrës së Kamzës. Lajmi për shkarkimin e stafik teknik te kamzalinjtë është konfirmuar në faqen zyrtare të klubit pak minuta më parë.
Ndërkohë që të gjithë prisnin të kishte lëvizje, e thënë ndryshe “tym” nga “oxhaku” i Luftëtarit që deri më tani nuk ka mundur të grumbullojë asnjë pikë, “bomba” ka plasur te Kamza.
Nisur nga rezultatet e arritura në tre javët e para të kampionatit, të gjithë prisnin që “shkëndija” të shfaqej te Luftëtari dhe “koka e turkut” të ishte Milos Kostiç, po jo, nuk ka ndodhur kështu. “Viktima” e parë e këtij kampionati tashmë është Bledar Devolli edhe pse ish-skuadra e tij mundi të grumbullojë 3 pikë në tre javët e para të kampionatit ndryshe nga gjirokastritët që ende nuk i janë gëzuar pikës së parë.
Loading ...
