Armand Duka ka dalë sot në konferencë për shtyp duke folur për bojkotin e klubeve të Superiores. Kreu i FSHF-së ndër të tjera, u ndal te pyetja e bërë nga gazetari i TVSH-së, Olsi Karagjozi, i cili e pyeti nëse do të takohet me qeverinë.
Në këtë moment Duka e ftoi të linte jashtë politikën dhe kjo konferencë e sotme kishte qëllim vetëm shpjegimin e kushteve që kanë caktuar për qeverinë në lidhje me Ligjin e Sponsorizimeve.
“T’i mban mend pyetjen që të kanë thënë para se të vish këtu, harrojini interesat e vogla. Ky ligj të bëhet edhe për ty, harrojini interesat politike. Disa nga presidentët kanë deklaruar se nëse na bëjnë këtë ligj do votojmë këtë qeveri paçka këndvështrimeve politike. Shikoi edhe njëherë mesazhet që t’kanë çuar në telefon”, tregoi Duka.
Loading ...
