Bylis luan nesër me Tiranën. Sfida e orës 16:00 vlen për javën e 31 të Superligës. Duket se në Ballsh mezi e presin këtë sfidë, duke dashur ta zhvillojnë sa më parë. Në faqen zyrtare të klubit mallakastriot në rrjetet sociale bëhet me dije se ndeshja luhet sot dhe jo nesër kur është planifikuar.
Një lapsus i klubit që ka marrë menjëherë vëmendjen e fansave, të cilët kërkojnë në komente që diçka e tillë të korrigjohet. Byli këtë sezon lufton për mbijetesën, ndërsa sfida me bardheblutë është e rëndësishme për dy skuadrat që kanë objektiva të ndryshme.