Deri më tani, katër lojtarë janë larguar zyrtarisht nga skuadra e Skënderbeut. Sadriu dhe portieri Rexhepi janë rikthyer në ekipet e tyre pas huazimeve, si dhe dy brazilianët, Jan Viktor dhe Moraes kanë konfirmuar se nuk do të jenë më pjesë e Skënderbeut.
“Ujqërit e dëborës” nuk arritën të mbijetonin në Superiore dhe dotë militojnë në Kategorinë e Parë sezonin e ardhshëm, çka ka bërë që shumë lojtarë të mos e shohin të ardhmen e tyre në Korçë. Por presidenti i klubit, Ardian Takaj, kërkon të ruajë pjesën më të madhe të grupit.
Kreu i klubit korçar synon të mbajë në skuadër tre titullarët: portierin Shkëlzen Ruçi, mbrojtësin Dajan Shehi dhe kapitenin Vangjel Zguro. Takaj u ka premtuar lojtarëve që Skënderbeu ka një projekt ambicioz dhe do të rikthehet menjëherë në elitë, duke u kërkuar futbollistëve që të rinovojnë kontratat e tyre. Mbetet për t’u parë se cili do të jetë vendimi i lojtarëve.
Loading ...
