Strakosha qëndron, i thur elozhe Inzaghit

Thomas Strakosha nuk do të luajë në Serie B si një vit më parë, por as në ndonjë ekip tjetër të Serie A, ai do të qëndrojë te Lazio për sezonin e ri. Ka marrë besimin e trajnerit Simone Inzaghi dhe ndjehet i sigurt për të ardhmen. Sa i përket Serie B, Strakosha e vlerëson të vështirë këtë kampionat.

Thomas Strakosha

Jemi të gjithë të kënaqur. Japim gjithçka, është e rëndësishme që kam rigjetur mister Inzaghin, pasi njeh vlerat dhe difektet tona, e di se ku duhet punuar. Inzaghi mund të rikompaktësojë grupin, por në fushë na takon ne që të bëjmë shumë më tepër se sa sezonin e kaluar.

Seria B është një kampionat i vështirë, por të bën më të pjekur. Kur ikën nga Lazio has vështirësi, por ishte një vit që më rriti shumë. Vështirësitë e mia në Serinë B kishin të bënin me gjetjen e ritmit pasi është një kampionat ku ka më shumë fizicitet dhe më pak cilësi”.