Stadiumi i Lensit, 80% kuqezi

Imagjinoni pak… 80% e stadiumit të Lensit, ku sot luajnë Shqipëria dhe Zvicra, do të jetë me ngjyrat kuqezi. Pjesëmarrja e tifozëve shqiptarë do të jetë në një nivel shumë të lartë, duke pasur parasysh faktin se edhe në tribunat e tifozëve të Zvicrës do të ketë kuqezinj. Janë të shumtë shqiptarët që kanë një pasaportë zviceriane dhe patjetër që ata do të bëjnë tifo për ekipin e zemrës, Shqipërinë.  Ndeshja në shkallët e stadium duket e fituar ende pa nisur, ndaj dhe shpresohet që edhe në fushë të ndikojë sadopak ky element për t’i nxitur edhe më shumë lojtarët tanë për të arritur suksesin.