Në këto momente po luhet ndeshja e fundit e javës së tretë të Kategorisë Superiore mes Teutës dhe Kamzës. Por pamja e stadiumit “Niko Dovana” në Durrës është me të vërtetë për të ardhur keq, pasi impianti është pothuajse i boshatisur. Ndërkohë para ndeshjes është zbuluar dhe arsyeja qesharake e kësaj situate, e cila sipas gazetarëve të Supersport ka ardhur nga vendimi i FSHF-së për të mos lejuar policinë brenda stadiumeve.
Tribuna karshi e stadiumit të Teutës nuk është hapur nga drejtuesit e klubit për këtë takim pasi nuk kanë pasur mundësi financiare për të paguar polici private për ndeshjen ndaj Kamzës. Në këtë mënyrë është vendosur që tribuna mos të hapet fare për tifozët, duke paraqitur një pamje mjaft të shëmtuar të sfidës.
Loading ...
