Në ndeshjet e fundit kishte fituar pozitën e titullarit dhe protagonistit në ekipin e Rangers, por nuk ka qetësi për sulmuesin e Kombëtares Nedim Bajrami. Në ndeshjen kundër Kilmarnock, java e 16-të në Premiership-in skocezë, Bajrami e la fushën i dëmtuar pas 21 minutash lojë.
Si pa kuptuar, futbollisti shqiptar me tipare ofensive ulet dhe kërkon zëvendësim pas problemeve fizike. Gjatë moment të largimit nga fusha e blertë, anësori e vendos dorën te kofsha, tregues se ai mund të ketë tërheqje muskulore.
Para 3 ditësh, në takimin me Dundee United, 26-vjeçari kuqezi shënoi golin e barazimit në minutën e 90+8 përmes penalltisë, ndërsa tashmë nuk i dihet se sa do “pushojë”.
Duhet thënë se Nedim Bajrami është lojtari i “preferuar” i Sylvinhos te Shqipëria. Në 32 ndeshje që trajneri brazilianë ka drejtuar Kombëtaren, Bajrami ka qenë në fushë 31 duele, askush si ai.
Lexo gjithashtu
