Arbnor Muçolli ka pësuar një dëmtim të rëndë, që e lë jashtë fushës së blertë për pjesën e mbetur të vitit 2024. Sulmuesi i Kombëtares shqiptare do i nënshtrohet ndërhyrjes kirurgjikale, për shkak të dëmtimit të ligamenteve.
“Unë ndjeva shumë dhimbje menjëherë sapo ndodhi dhe e kuptova që nuk ishte aspak e mirë. Kur mora mesazhin se çfarë ishte, ishte ndjesi e vështirë dhe kanë qenë disa ditë të vështira. Por tani po pres me padurim ndërhyrjen kirurgjikale dhe të luftoj të kthehem përsëri i fortë në vitin 2025”, u shpreh Muçolli.
Lajm i keq ky për Sylvinhon, i cili e kishte grumbulluar atë në fazën kualifikuese të Euro 2024. Kështu ekzistonte mundësia që të merrte një ftesë dhe në Nation League.
Po ashtu dhe Goteborgu duhet të bëjë pa shërbimet e 24-vjeçarit. Kujtojmë se gjatë këtij sezoni ka shënuar 2 gola në 14 paraqitje.
Lexo gjithashtu
