Është përmbyllur me sukses edicioni i dytë i projekti “Talent & Mentor” që organizohet nga Sektori i Arbitrimit në Federatën Shqiptare të Futbolli.
Ky projekt i rëndësishëm që zgjat dy vite konsiston në rritjen e cilësisë së arbitrave-talentë, krijimin e personalitetit të arbitrit, promovimin e arbitrave në elitë si edhe në përmirësimin e performancës. Në këtë projekt morën pjesë gjashtë arbitra, një vajzë dhe pesë djem të kategorive të ndryshme që u monitoruan nga katër mentorë dhe në përfundim morën edhe certifikatën e vlerësimit.
Të gjithë pjesëmarrësit morën pjesë në seminare praktike dhe teorike përgjatë këtyre dy viteve, ndërsa gjatë gjithë kohës patën mbështetjen e mentorëve, të cilët i ndoqën në aktivitete të ndryshme, nga kategoria e parë deri në ato të moshave.
Gjatë gjithë kohës arbitrat ishin të vëzhguar nga mentorët dhe në përfundim të çdo ndeshjeje analizohej performanca e arbitrit, ndërsa rastet diskutoheshin edhe në seancat teorike me anë të videove.
Pjesë e këtij programi ishin edhe testimet fizike dhe rregullorja e lojës ku gjithashtu mentorët jepnin ekspertizën e duhur. Në bazë të vlerësimeve të bëra javë pas jave talenti përpiqej të evitonte sa më shumë vendimet jo korrekte duke përmirësuar paraqitjen e tij.
Me përfundimin e këtij programi Sektori i Arbitrimit në FSHF u shpreh entuziast për ecurinë dhe rezultatet mjaft inkurajuese që vetë talentët shfaqën nga fillimi deri në përfundim të këtij projekti shumë të rëndësishëm.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
