Ditën e sotme, Vllaznia arriti të sigurojë kualifikimin në turin e dytë të Conference League pasi mposhti në transfertë Daugavpils me shifrat 4-2. Ndërsa rezultati i përgjithshëm i kësaj përballjeje ishte 4-3.
Një hap shumë i madh ky i klubit shkodran dhe të besuarve të Edi Martinit, të cilët do të vazhdojnë ëndrrën europiane. Tepër entuziast për kualifikimin e shkodranëve është edhe presidenti i FSHF-së, Armand Duka.
Ndërsa u shpreh se do kishin dashur të festonin edhe për një kualifikim të mundshëm të Partizanit. Kreu i Federatës Shqiptare të Futbollit ka reaguar së fundmi në rrjetet e tij sociale për fitoren e Vllaznisë.
“Urime Vllaznisë për kualifikimin në raundin e dytë të UEFA Conference League!
Një fitore e bukur në transfertë ndaj Daugavpils, që u kurorëzua me kualifikim dhe i jep edhe më shumë kuptim përpjekjeve të skuadrës dhe stafit teknik.
Shpresojmë që ky rrugëtim të vazhdojë sa më gjatë, si përfaqësim dinjitoz i futbollit shqiptar në Europë.
Do të kishim dashur të festonim edhe me Partizanin, por futbolli i tillë është. Rruga vazhdon dhe ne jemi gjithmonë pranë klubeve tona!”, shkruan Armand Duka.
View this post on Instagram
Lexo gjithashtu
