Si sot, 10 vite më parë u shënua një prej momenteve më historike për futbollin në Kosovë, kur federata e futbolllit u anëtarësua në FIFA dhe UEFA, çfarë solli një kapërcim të madh të këtij kombo në arenën ndërkombëtare.
Lidhur me këtë datë sublime që simbolizon dhe "kujtimin" në nder të presidentit të ndjerë, legjendës Fadil Vokrri, presidenti i Federatës Shqiptare të Futbollit Armand Duka ka bërë një postim në profilin e tij teksa vlerësoi dhe punën e bërë të Agim Ademit, kreut aktual të federatës.
POSTIMI:
"Sot shënohen 10 vite nga një nga momentet më historike për futbollin në Kosovë, ku anëtarësimi i FFK-së në FIFA dhe UEFA vulosi Kosovën në arenën ndërkombëtare.
Me respekt kujtoj legjendën Fadil Vokrri, që udhëhoqi me pasion këtë mision historik për futbollin e Kosovës. Kontributi i tij mbetet i paharruar.
Urime mikut tim, Presidentit Agim Ademi, Federatës së Futbollit të Kosovës dhe gjithë komunitetit sportiv në këtë përvjetor të veçantë."
Lexo gjithashtu
