Sot është 1 qershori, një ditë feste për të gjithë fëmijët anë e mbanë botës. Gjithashtu sot në ditën e fëmijëve në orën 20:30 do të zbresin në fushë Franca dhe Portugalia për Euro U-17 që luhet në “Arenën Kombëtare”.
Presidenti i FSHF-së, Armand Duka ka uruar ditën e fëmijëve dhe ka pëmendur finalen e sotme.
“1 qershori këtë vit është edhe më i veçantë!
Dita e Fëmijëve përmbyllet me finalen e Europianit të parë që zhvillohet në Shqipëri!
"Arena Kombëtare" do të presë sonte finalen Francë-Portugali dhe nuk promovon vetëm futbollin, por frymëzon edhe fëmijët të ndjekin ëndrrën e tyre për t'u bërë një ditë yje futbolli.
Sot është dita e tyre, ndaj prindër, merrini ata dhe shijoni së bashku finalen e UEFA Under-17 Championship Albania 2025.
Gëzuar 1 qershorin, Ditën e Fëmijëve, ditën që do të mbahet mend edhe për finalen e parë të një Europiani në Shqipëri!”, shkruan Duka.
Lexo gjithashtu
