Vllaznia ka luajtur kundër Kastriotit, ndeshje e vlefshme për javën e katërt të Kategorisë Superiore U-21. Kjo sfidë është mbyllur me rezultatin 4-3 në favor të vendasve. Një ndeshje mjaft emocionuese që ka prodhuar shumë gola, por edhe spektakël në fushën e blertë.
Takimi nis shpejt me gol teksa në minutën e 12-të Dede zhbllokon rezultatin për Vllazninë. Kundërpërgjigja e miqve është e menjëhershme. Krutanët kishin marrë ndihmë nga ekipi i parë duke afruar në skuadër Real Zhivanaj. Tropojani një emër i dëgjuar në kampionatin shqiptar, barazon shifrat në minutën e 17-të. Ndërkohë vendasit reagojnë sërish duke realizuar sërish në të 29-tën me Çobën. Mjaftojnë vetëm dy minuta dhe në minutën e 31-të, Danaj barazon rezultatin duke vulosur 2-2 pjesën e parë.
E dyta është një kopje e të parës. Rastet janë të shumta, por shkodranët arrijnë të jenë më konkretë në duelet e tyre. Lekaj dhe Deda e çojnë rezultatin në 4-2 në favor të kuqebluve. Megjithatë asgjë s’është mbyllur këtu, pasi është sërish Realf Zhivanaj që realizon golin e 3-të për Kastriotin duke shënuar të dytin personal. Ish-qendërmbrojtësi i Tiranës ishte ndër më të mirët në fushë, i cili në fund ia dedikoi dy golat dajës së ndarë nga jeta vetëm pak ditë më parë.
Loading ...Shkrime të Ngjashme
