Tekniku italian i Partizanit është shprehur i lumtur për kualifikimin e të tijve. Ai e quan këtë fitore si një arritje e madhe e Partizanit, pasi ata ulën kokën dhe punuan, ku zhvilluan një lojë me përulësi siç e thotë dhe ai. Gjithashtu Sormani shprehet optimist për punën e tij në të ardhmen me organikën që ka, dhe pret me padurim sfidat e tjera.
“Mendoj se për një skuadër të vogël si e jona, ne arritëm maksimumin. Arritëm një sukses falë një loje me përulësi. Ishim shumë të organizuar dhe një skuadër kompakte, arritëm të bënim një lojë të fortë ndaj një skuadre shumë më të fortë. Unë dua të falënderoj të gjithë lojtarët e mi që kishin krenari dhe luajtën me disiplinë dhe vendosmëri. Jam i lumtur që u kualifikuam më tej në Ligën e Kampioneve dhe pres me padurim sfidat e tjera”, deklaroi italiani.
