Slovan Bratislava – Partizani, klubet respektojnë tifozët

Sipas vendimit të UEFA-s, ishte në dëshirën e skuadrave për të luajtur ose jo takimin e nesërm, i  cili ishte planifikuar për raundin e parë eliminator të Europa League, por skuadrat kanë gjetur konsensusin dhe kanë vendosur që të luajnë ndeshjen. Por, për të përfituar në kohë ato nuk do të luajnë në mbrëmje, por në mesditë. Kështu, tifozëve të kuq nuk do t’iu shkojë udhëtimi dëm dhe lojtarët nuk do të rrinë pa stërvitje apo pa ndeshje.

Sipas njoftimit të klubit të kuq, ndeshja do të zhvillohet në orën 12:00 jo në të njëjtin stadium ku ishte planifikuar sfida e Europa League, por në Bratislavë. “Dy klubet kanë rënë dakort që të zhvillojnë përballjen mes tyre , por që do të ketë vlerën e një ndeshjeje miqësore. Sfida nuk do të luhet në stadiumin e FK Senica siç ishte parashikuar në ora 19:00 , por në Bratislavë ora 12:00”.