Slovan Bratislava merr vendimin për ndeshjen kundër Partizanit

Pas vendimit të UEFA-s, e cila u la dorë të lirë skuadrave për takimin e ditës së nesërme mes Slovan Bratislavës dhe Partizanit, ka ardhur dhe reagimi i ekipit sllovak. Zyra e shtypit e skuadrës sllovake është kontaktuar nga “newsport.al” dhe është pyetur nëse do të luajnë një takim miqësor me Partizanin, ndërsa ata janë përgjigjur se kjo ndeshje nuk do të zhvillohet.

Kështu, Partizani do të niset drejt Tiranës për të bërë përgatitjet për sfidën kundër Ferencvarosh, të cilën do ta zhvillojë më 13 korrik, ndërsa Slovan është kualifikuar për raundin e dytë kualifikues kundër çiftit Brediablik – Jelgava.