Andrea Agostinelli si te Partizani, po ashtu edhe te Skënderbeu po vepron me të njëjtën mënyrë. Afron të rinj në skuadër por edhe italianë. Ai dëshiron që skuadra të luajë sipas mënyrës së tij, ndaj thërret futbollistë që i binden. Sipas portalit “lalaziosiamonoi”, Skënderbeu është pranë arritjes së marrëveshjes me qendërmbrojtësin e të rinjve të Lazio-s.
Simone Mattia
Simone Mattia, i riu 20-vjeçar është në vëmendjen e skuadrës kampione të Shqipërisë, ndërsa lojtarin e kërkon Vicenza dhe Como, por që sipas medias italiane, klubi shqiptar është më pranë tij.
“Simone Mattia bën gati bagazhet për aventurën e tij të parë larg shtëpisë. Qendërmbrojtësi 20-vjeçar luan në kampionatin Primavera si protagonist kryesor. Në këto javë kërkesat nuk kanë munguar, por situata është më e qartë tashmë. Lista e pretendimeve është shpalosur. Sipas burimeve tona redaksionale bëhet fjalë për Vicenza-n, Como dhe Skënderbeu që kërkojnë shërbimet e lojtarit. Klubet italiane që ndjekin lojtarin bëjnë pjesë respektivisht në Serie B dhe Lega Pro”.
“Pista më seriozë është ajo e kampionëve të Shqipërisë, Skënderbeu, që tashmë e drejton italiani Andre Agostinelli. Trajneri e njeh mirë Mattia, sepse e ka ndjekur që kur ka qenë te të rinjtë. Një mundësi që intrigon edhe Lazio-n, që beson se edhe lojtari do e vlerësojë. Skënderbeu do të angazhohet në raundin e dytë eliminator të Champions League dhe do të luajë ndeshjen e parë më 13 korrik kundër Ferencvarosh. Zgjedhja tashmë i takon djaloshit”, bën me dije portali që qëndron më afër klubit lacial.
Loading ...
Leave a Reply
You must be logged in to post a comment.