Partizani dhe Tirana janë dy klubet e Superiores që ende nuk kanë gjetur trajnerin që do të drejtojë skuadrën në gjysmën e dytë të këtij sezoni futbollistik. Pas derbit mes tyre, i fituar nga bardheblutë tashmë ka një "duel" për pankinat kryeqytetase. Edhe pse të dy klubet preferojnë Ilir Dajën, duket se tifozët nuk janë në të njëjtin mendim.
Në kampin e kuq, mbështetësit e kampionëve kërkojnë rikthimin e Skënder Gegës, njeriun që i dha titullin Partizanit pas 26-vitesh. Ndërkohë, nga ana tjetër, te bardheblutë duan në skuadër një trajner siç është Ilir Daja. 53-vjeçari shihet si strategu i duhur për të risjellë trofeun te Tirana për 100-vjetorin e klubit.
A do të arrijnë këto dy skuadra të rikthejnë në pankinë këta emrat të njohur? Kjo pritet të shihet në ditët e ardhshme.
Lexo gjithashtu
